老婆減20磅唔算Fit？張智霖：有進步空間
藝人張智霖（Chilam）與薛家燕昨日以新身份證宣傳大使身份出席活動，家燕透露二人除了合作拍攝宣傳片，Chilam更獲邀加盟她任代言產品的另一代言人，Chilam即笑指要向對方送大禮以表答謝，但家燕說：「唔使，Chilam一直好錫我，之前未申請到演唱會個期，佢都話一定會嚟，呢份情係真嘅，好感激，同佢合作好開心，人好真又勤力。」
問到可想再合演母子？二人同聲表示想，那情侶檔可接受？家燕笑說：「咁要問吓靚靚（袁詠儀）先。」Chilam則笑指家燕多男友，至於親熱戲？Chilam即說：「嚟真(0架)？愈講愈勁喎！」對於老婆靚靚為角色減20磅，他笑說：「佢又拍戲又同我拍真人騷，好忙，我就減產，搵錢（責任）交畀佢。（靚靚Fit嗎？）有進步空間，可以再Fit啲。（你有壓力？）唔係覺得我唔Fit嘛？咁做演唱會時有六舊腹肌係好Fit，依家就啱啱好，我係純天然，無添加嘅！」