麥兆輝自爆遭袁詠儀告狀
日前導演麥兆輝飛往台灣宣傳賀歲片《廉政風雲 煙幕》，他稱劉青雲與林嘉欣在片中飾演鬥氣夫妻，笑言青雲將現實中不能對太太郭藹明發洩的情緒，在片中發洩出來。他又自爆與袁詠儀有親戚關係，卻經常被對方在片場「威脅」。
由麥兆輝執導，影帝劉青雲、張家輝、林嘉欣、袁詠儀、方中信、陳家樂及湯怡等演出的英皇電影《廉政風雲 煙幕》即將上映，日前麥兆輝赴台宣傳，對今年賀歲檔信心十足，坦言花了9個月時間寫劇本，醞釀期更長達15年：「兩年前廉署嘅人打電話叫我去『飲咖啡』，佢哋每年都會將一啲已經破案嘅故事拍成劇集，我去咗佢哋嘅總部了解，直接去咗佢哋權限可以去嘅地方。」
麥兆輝又自爆跟客串的袁詠儀（靚靚）有段鮮為人知的關係：「佢嘅爸爸叫我媽咪做表姐，靚靚算係我表妹，佢18歲時突然變到好靚，媽媽話我哋細個經常打交。」他稱後來二人在電影《山水有相逢》合作：「佢成日喺片場話要告我狀，成日話：『你食煙，我講畀你阿媽知！你講粗口，我講畀你阿媽知！』今次搵佢拍，初時都有啲唔好意思，因為搵佢做反派，但又覺得佢好適合，佢考慮咗三日，就話肯演。」
青雲借角色發洩
另外，劉青雲與林嘉欣於片中合演在廉署共事的鬥氣夫妻，麥兆輝說：「青雲同我講：『我願意演呢個角色，因為覺得佢（角色）係個好討厭嘅人。』我開玩笑話佢可能將現實生活中，唔可以對太太發洩嘅情緒，發洩喺電影度。」