麥明詩密會車手踩出火花
藝人麥明詩昨午現身銅鑼灣，為「永年士多」分店剪綵擔任嘉賓，吸引大批途人圍觀，而其兄麥明山則同女友到場支持，麥明詩親自煮麵及賣麵，場面熱鬧。問到她可有考慮做生意？她笑謂：「冇，做飲食好困身，留番畀啲專業人士，不過呢排我積極增肥，食好多嘢，嚟緊要用廿幾日踩單車去柬埔寨拍節目，要儲定脂肪。唔知可唔可以完成全程，好彩有後援車，我會帶定多啲乾糧，驚水土不服！」
行程艱辛
她又指近日正跟隨前港隊公路單車好手胡建燊操車，更打趣不排除踩出「火花」的可能：「我哋依家見得好密，一星期操兩、三日車，依家係朋友。（係你個type？起碼頭髮唔亂？）佢戴住頭盔喎，我唔知道。（問清楚有冇另一半(口架)？）婚姻狀況係單身嘅。」她坦言一月中出發，分分鐘要過完農曆新年才返港，行程相信艱辛。
至於舊愛林作日前全祼拍照賀自己生辰，麥明詩表示：「佢不嬲都好有『激』嘅潛能，我唔覺得驚訝。（拍拖時試過類似行為？）印象中又冇。」
