舞台劇開演惠英紅養聲留力嗌

惠英紅最緊張把聲，務求每場演出都做到最好！

老友捧場唔緊張

惠英紅將應付九場演出，中間有一日休息也安排了出席首映，問是否已準備充足？她說：「我好多對白要嗌，最擔心係把聲，所以一定要養聲，成日都放細把聲講嘢，搞到有少少緊張。」問到好姊妹林建明、鍾慧冰等到場欣賞，會否添壓力？她說：「壓力唔係來自佢哋，最緊要把聲清楚同靚，我有食開聲丸同飲羅漢果水，不過上咗台就冇事，等係最辛苦。」

至於會否加場，她表示完成演出後便要投入新片拍攝，之後又要到內地做慈善節目，幸好農曆新年有時間休息：「我都習慣咗！真係唔知做舞台劇咁大壓力，但見到全院爆晒會好開心。今次我排咗廿幾日，最記得第一日排唔使揸劇本，其他演員見到好愕然，因為我已經準備晒。」

關之琳	張可頤與鍾景輝（左二）捧場，令李居明與張之珏非常高興。	張之珏（右起）、惠英紅、李居明、譚偉權、滕麗名及辛偉強等，騷前切燒豬。