陸永等運到2月30日會發達？

陸永、周勵淇、龐景峰和歌手胡琳等前晚出席雲文子的豬年生肖運程書簽名會，周勵淇帶來有雲朵設計的蛋糕，預祝新書大賣，師傅即回贈由她開光的紅手繩。而與堪輿學家麥玲玲相熟的陸永，被問是否「轉會」撐雲文子？他說：「麥玲玲同雲文子係兩科，兩個都係吹，麥玲玲同我吹水多，成日傾偈，雲文子係奇門遁甲，同我催運。（催到你乜嘢？）你見唔到我成個人旺晒啦！但未夠風生水起，短期目標係想考到車牌，不過師傅話反反覆覆先成事，即係我唔會一Take Pass，但佢叫我搵個肥佬教車師傅就得，師傅都可以揀，考官咁點呀？」他又問對方自己何時發達，雲文子講笑：「明年2月30日。」他一時不為意，後來才醒覺2月沒有30日，又透露下個目標是置業，但未儲到豪宅首期。