黎美言盡地一煲擲百萬開泰拳學校

教泰拳的黎美言Keep住做運動，保持體能。

拉筋緩跑兼練拳

日前，一身運動Look打扮的Winkie與女友人於跑馬地做運動，她化身教練指點友人正確做運動姿勢，期間俯身拉筋輕露事業線，甚有睇頭。之後二人在緩跑徑跑步，邊跑邊做出拳動作。一小時後結伴離開，走到附近的地產公司，在門外不停研究不同放盤後，再入內向經紀了解。

方便戶外練氣

事後聯絡上Winkie，她表示：「我想睇單位開舞蹈泰拳學校，之前一路都喺朋友嘅場教，依家諗住自己開番間，一直都有睇跑馬地嗰度嘅單位，我想開喺馬場附近，可以帶學生去戶外練氣，其實都睇中咗個單位。（預計用幾多錢？）都要百萬，租金加埋裝修差唔多。（好重手？）今年好感恩發展得幾好，同埋之前都有儲咗啲錢，今次盡地一煲。」

落力拉筋的黎美言，甚有睇頭。	黎美言在地產舖外研究。	走入舖內查詢後，黎美言與友人邊傾邊離開。