麥明詩預陪跑：恭喜我落選

麥明詩（左）話冇麥美恩咁恨獎，對視后已打定輸數。

麥明詩、麥美恩與陸浩明等昨午現身電視城，為新節目《一帶一路一狀元》錄影。期間，記者連聲恭喜麥明詩獲提名視后，她卻靦腆地答：「尋日咪問咗囉！（父母覺得你好叻？）冇傾過，我爸爸同哥哥尋日就入咗嚟錄《#後生仔傾吓偈》。」

未夠資格無謂呃人

麥美恩在旁聞言，她自言當年獲提名時很想攞獎，但麥明詩卻打定輸數：「我冇你咁刻意，有啲獎好難攞，明知未夠資格，無謂呃人同欺騙感情啦！大家唔好提咁多。」陸浩明再加把口：「咩呀？我哋訂咗枱（12月）16號同你慶功喎！」麥明詩即自嘲：「尋晚錄《後生仔》嘅時候，你明明唔係咁講！嗰集差唔多聖誕先播，所以你係恭喜定我落選！」

對翟威廉另眼相看

談到主持《一》節目，麥明詩對嘉賓之一的翟威廉另眼相看：「問咗條好深嘅問題，記得好似係中國嘅海上航道由邊個城市開始，佢竟然識得答，即刻覺得佢好有才華！不過佢話係打機學到嘅。」陸浩明指從節目中令他更加了解身邊同事：「佢哋經營好多副業，好似黎諾懿原來有開車房，嚟緊又會染指BB用品界。」

陳庭欣（左）與邵珮詩接受「狀元」挑戰。

麥明詩一聽陸浩明講慶功即嚟料，反爆對方前言不對後語。