朱千雪下廚當送禮

藝人朱千雪（Tracy）昨日身穿紅裙出席商場活動，充滿聖誕氣氛，她笑說：「近幾年喺香港返學，聖誕節就代表放假，12月初開始考試，如果考得好聖誕就可以放假，考得唔好就要補考。（你成績如何？）以往成績OK，但啲同學太後生，個腦轉得好快，希望我唔會太差。」有指未畢業已有律師行為她預留職位，她說：「我個目標係畢業先，完成先搵工，仲要讀埋下年。」
千雪化身聖誕女郎，擺埋甫士派心！
千雪化身聖誕女郎，擺埋甫士派心！

Tracy在現場學煮新加坡美食，坦言甚少下廚：「每年一、兩次，多數係諗唔到送咩禮物畀朋友或男朋友，就會煮一餐。（最拿手係咩菜式？）糖醋排骨，男友有試過，佢話OK。佢煮嘢好叻，我冇諗過要同佢比較，主要係講心意。」

少有下廚的千雪學煮星洲美食，試味食到嘟嘴。
  • 少有下廚的千雪學煮星洲美食，試味食到嘟嘴。