英國唱作女歌手Jessie J最近與失婚美國男星Channing Tatum於網上傳情互動，半公開認愛，她日前於英國開騷時，更真情剖白自爆不育，獲Fans打氣支持！
今年30歲的Jessie公認才華橫溢，不過健康問題多多，曾自爆患有家族遺傳心臟病，原來她還有不育問題。
日前她於倫敦皇家阿爾伯特音樂廳舉行演唱會，期間獻唱《Four Letter Word》時，自爆4年前得知自己難以成孕：「我唔係因為要你哋同情，我係幾百萬個經歷同一事情嘅男女之一，而呢種事情，唔可以定義我哋……但我當時喺難過痛心嘅時刻，就想為我自己寫呢首歌，為自己打氣，同時喺其他人難過嘅時間，畀佢哋聽到。」
Jessie的坦率獲全場歌迷拍掌支持，同場睇騷的男友Channing亦於社交網站Instagram首度認愛，上載睇騷照片，留言力撐女友：「呢個女人啱啱喺皇家阿爾伯特音樂廳台上真情流露，所有在場嘅人都見證特別時刻。Wow！」
早前Jessie已先認愛，在Instagram上載睇Channing製作的倫敦舞台劇版《光豬舞壯士》（Magic Mike Live！）照片，標籤男友來恭喜他，還附加一條茄子的符號，大玩性暗示！