與鸚鵡視像陳庭欣被當傻婆
藝人陳庭欣（Toby）日前出席公開活動，透露剛完成無綫劇集《多功能老婆》及電影拍攝，故計劃再出埠。對於近排經常出外旅行，她笑說：「我一直都有工作，之前因為拍完幾日通宵先去o架！仲會同媽咪去泰國慶祝60歲大壽，到時爸爸都會去。（男友唔去？）咁近到時佢嚟都冇問題。」
她更指最擔心三隻鸚鵡，皆因從未試過一家人離開多天，鸚鵡沒人照顧：「媽咪又想去旅行，但又唔知幾隻仔會點，惟有到時交畀人照顧。我同佢Keep住視像，因為其中一隻識畀反應我，上次試過去英國三星期，喺餐廳開視像同佢哋傾偈，啲食客見我對住電話同隻鸚鵡講嘢，以為我係傻，好無奈。」