孫佳君完美人生唔急搵伴

近年再度活躍幕前的孫佳君，最近有份演出電影《無雙》，首次與兩大影帝周潤發及郭富城合作，是難得的寶貴經驗：「每次去現場都好緊張，驚自己做得唔夠好，因為佢哋啲演技真係好犀利！」在發哥身上她學會怎樣做戲及做人：「佢對啲工作人員真係好友善，演戲既瀟灑又輕鬆。」

講到網友大讚飾演管家的她氣場及演技厲害，她開心的說：「其實導演冇乜特別要求我，淨係講咗三個字，Cool到爆。」因片中有不少槍戰場面，少拍動作戲的她坦言是一大挑戰，特別是水晶燈跌下來的一幕，當時她剛做完白內障手術，擔心碎塊跌入眼，幸好最後順利完成。

對待兩子似Madam

工作之外，現時對孫佳君最重要的，莫過於為前男友劉貴喬誕下的兩個兒子，原來銀幕上女人味十足的她，私下對待兩個兒子則很惡：「我喺屋企就好似警官好大聲咁喝佢哋，我係好惡，如果唔係咁，重複一百次都係冇人聽到我講嘢。所以搞到我有時講嘢有啲男人、好Strong，如果唔係咁，會畀佢哋恰o架！」兒子日漸成長，問到他們可會催她找個男人拍拖？她坦言不會，笑言兒子想霸住她：「尤其係細仔，一食飯就打嚟問我喺邊，臨瞓又會打嚟，佢真係好鍾意我喺佢身邊，大嗰個都成日搵我，所以好Close。」

孫佳君覺得現時已很完美。	孫佳君希望在電影工作上再發力。	兩個兒子都好黐媽咪，令孫佳君十分放心。

冇時間諗拍拖

她直言不想找個男人錫自己：「我想畀番啲時間專心做嘢就真，啲仔仲細時，我完全冇做嘢、花咗好多時間專注喺佢哋身上，所以想追番嗰啲時間，同埋依家做嘢、照顧小朋友、喼弗扮靚，仲邊有時間？所以拍拖都係隨緣，如果有都OK，冇都冇時間去諗。」她指人生已經很豐富、完美，毋須找另一個人更加豐富：「依家個人方面已經係Complete（完美）o架喇！想做嘅嘢，就係想拍多啲電影！」

場地：Amaroni's