爆阿仔愛撒嬌徐榮唔捨得囡囡留學
藝人徐榮一家四口樂也融融，日前受訪時分享生活趣事。他透露兒子徐朗（Karson）和女兒徐心怡（包包）的性格不同，大爆Karson反而愛撒嬌：「哥哥好嗲嘅，啱啱過咗呢個暑假先冇走過嚟同我哋瞓。個女呢，由出世到依家都冇咩點走過嚟同我哋瞓。」
談到教育方式，徐榮自認是嚴父，Karson此時大爆：「你對我最惡囉！」並透露試過食飯時用筷子敲碗筷而被爸爸「體罰」打手板。問到徐榮是否會安排兒子出國留學？他表示正物色英國學校，Karson亦直言想去外國：「因為我嘅夢想係做足球員，想去外國讀書又可以練波。（你捨得屋企人咩？）都捨得o架！」當問到若包包有日出國留學，徐榮的態度卻截然不同：「男仔我覺得可以去遠啲嘅，女就……總之唔係咁想喇！」
