駱胤鳴向男友求婚？
組合樂印姊妹（SiS）推出新歌《大聲講我知》，鼓勵大家向心儀對象表白。妹妹駱胤鳴（烙印）坦言拍拖後發現誰先示愛也不緊要，因為自己與男友都很喜歡表達心意。姐姐駱胤樺（樂樺）則自言沒試過主動示愛，但經常與Acapella組合幫人表白或求婚，每次都覺得很感動。
提到幻想中的婚禮，烙印直言怕麻煩所以不想搞：「科林（前DJ）求婚搞大龍鳳，我男朋友同佢好熟，我叫佢千祈唔好搞驚嚇求婚！唔好嚇到我好緊張。」她指男友曾懷疑自己說反話，但她認為最重要是二人有共識：「呢個階段都談婚論嫁啦，做咩要求婚呢？或者我掉轉同佢求婚呢！」而樂樺就希望舉行與別不同的簡單婚禮，不過要日後留給男友去構思。