王梓軒梁烈唯撞出HeHe式默契
藝人王梓軒與拍檔梁烈唯合作主持節目7年，拍新劇將二人多年的感情融入角色中，連監製也取笑HeHe味濃。王梓軒直言角色很似他，更借角色投射說出心底話。
王梓軒由唱歌、拍劇到拍電影，表現不斷進步，其中於劇集《華麗轉身》飾演精神異常的角色，令人留下深刻印象。於無綫台慶劇《是咁的，法官閣下》中他再突破過往角色，飾演事務律師，講述有音樂天分的他，因父親想他從商，反叛下竟跑去做律師，雖有能力卻沒有熱情，後來在事件中重回正軌。
「說服父母畀我試」
劇中他與好兄弟梁烈唯對手戲最多，將二人主持《兄弟幫》培養的感情融入角色中，連監製也取笑他們的默契有點「HeHe味道」。講到明年入行10年，父母亦已經接受他是藝人的工作，但依然會擔心，他表示今次角色與自己有相似的地方，可以藉此釋放自己：「爸爸冇逼我做生意，但一定有期望，入行嘅10個有9個，佢哋屋企人初期都未必明白，我畢業做過銀行，去做歌手亦有好大掙扎，好彩有師傅趙增熹對我嘅評價，說服父母可以畀我試，今次角色可以投射落去，借角色講出自己嘅心底話。」
入行10周年有搞作
作為一個創作歌手，王梓軒雖然兩年沒有出新歌，但到適合時機，年底前會一口氣推出3首作品，包括以太空主題為背景的兩首關聯歌《寄居太虛》與《邊緣引力》，以及劇集插曲《夜曲17章》，他說：「下年10周年，幾忙都會搞個音樂會，所以會有多啲新歌出街。」
場地：La Serre
服裝：Ed Hardy