祖兒預告明年開騷
樂壇天后容祖兒昨日到電台接受森美訪問，信心爆棚指一定會招架得住有關愛情、鹹濕等尖銳問題，更笑言冇底線！提到過去一個多月的密集式台灣宣傳之旅，她大呻搞到身心疲累，返到香港變「宅女」足不出戶，惟之後要再飛當地開騷及到內地舉行校園演唱。
提到蔡一傑早前自爆為「成全」她下年8月的20周年演唱會，拱手相讓音樂總監何秉舜並押後自己個唱，她打趣話因何秉舜旺：「感激佢，到時請佢睇騷。」覺得對方好窩心？她顯得有點尷尬指「好窩」，續爆其實未正式公布會開騷：「流傳係6月（生日月），冇講係8月。（怪傑仔爆響口？）唔會，愛佢都嚟唔切！（咁幾時宣布？）搞埋隻新碟宣傳先。」