張敬軒首吊威吔Pat Pat瘀晒

張敬軒日前以英皇財務代言人身份拍廣告，並以「大想頭」為題。軒仔被公司睇中皆因覺得他諗頭特別大，愛天馬行空又瓣瓣掂，他笑說：「有咩想法都好，都要有條大水喉射住先成功，好開心老闆同Daisy（楊受成次女楊玳詩）講到個『大』字就諗起我，全公司都知我乜嘢都比人大，今次為咗公司第一次吊威吔拍，一吊就吊咗十個鐘，小軒都受難，Pat Pat都瘀埋。吊到四、五米高時，突然聽到斷裂嘅聲，可能係我肚腩爆咗。」此外，他還與音樂系學生齊齊拍攝，打成一片。