連詩雅唔搵男友陪跑

昨日藝人連詩雅、張建聲及陳志健出席慈善跑宣傳活動，連詩雅坦言想再參加半馬賽事：「三年前跑過一次，之後啲筋發炎，一個月行唔到。」並指當時被迫撐拐杖擔任周柏豪的巡唱嘉賓：「我好似一碌葛咁唱《一事無成》，好難忘。好想試吓喺香港跑半馬，跑西隧好震撼。」問到男友可會一齊跑？她笑言：「佢好少跑步。（上次佢有同你一齊跑。）因為嗰個係5K，佢係籃球人，我要搵個新嘅跑步拍檔。」