減少情侶裝放閃 鄧麗欣：費事甜到糖尿
藝人鄧麗欣（Stephy）昨日穿上Deep V連身裙，出席瑞士天梭表全新腕錶發布會。問到有否跟男友邱勝翊（王子）互送手錶？她說：「佢送首飾比較多。（會否戴情侶錶？）我就少啲，唔會刻意。」對於過往不時以情侶裝亮相，她笑言日後會盡量少一點：「會盡量低調啲，費事大家話甜到有糖尿啦！」
談到將過拍拖後的第一個聖誕，是否已準備禮物送給男友？她笑言：「聖誕節之後又到新年，新年又情人節、生日咁，好傷腦筋，所以係未諗。（男友係浪漫型？）嘩，好似講到佢唔浪漫咁，暫時未知，要多啲時間去摸索吓，暫時都見佢有潛質嘅。（佢對你做過咩浪漫事？）今年我生日有驚喜，全部都係佢籌備，我要還番，有來有往，佢4月先生日，可以慢慢諗。」