陳貝兒讚情深：聽完眼濕濕
李嘉與俄羅斯女友的故事儼如節目《嫁到這世界邊端2》的男人版，主持陳貝兒亦大讚李嘉是好男人，並對其故事大感興趣，她昨日受訪時說：「李嘉真係一個好情深義重嘅男仔，我成日覺得香港男仔都有好好嘅，唔係淨係外國男仔先好。聽完佢同女朋友嘅故事，我都有少少眼濕濕，被佢嗰種深情所感動。」
問到會否有興趣開拍《娶到這世界邊端》﹖她稱一直有留意香港男生娶外國女生的故事：「至於節目內容同安排要等公司監製諗，我哋依家一直收集緊啲感人故事。（李嘉係好題材？）如果真係娶到這世界邊端，李嘉肯定係一個好好嘅男主角，係我都好想採訪、好想去了解多啲嘅故事。」