龔嘉欣斷手筋隔幾日先醫

藝人龔嘉欣近日忙拍攝無綫新劇《殺手》，除了以潮爆新形象示人，更不乏打戲，昨日她在社交網自爆拍打戲時手指斷筋，並上載手指尾包紮照：「我係傻傻哋嘅，拍打戲拍到手指斷咗筋都唔知，仲要幾日之後先睇醫生，雖然依家每日都深深感受到乜嘢叫『十指痛歸心』，不過我頂得住喎 ! 殺手係唔易做o架嘛！盡量做好佢啦！唔使擔心我，幫我打吓氣OKo架啦！」雖然相中她展露笑容，但大批網民紛紛留言大呼「心痛」，叮囑她不要那麼搏命。