許廷鏗減出尖面

歌手許廷鏗昨日舉行新碟拍照會，明年3月在紅館開騷的他明顯變面尖，問到Fans會否想他騷肌？他笑說：「咁鹹濕嘅！（滿足Fans？）我個人冇乜所謂，只要今個冬天唔好太凍，因為怕凍會食好多嘢。（練到腹肌未？）未！但人生冇乜幾可，都唔會畀肥腫上台。」嘉賓方面，他透露已有名單：「個個都高難度，其實之前搵藝人拍片已經有難度，都好多謝Eason（陳奕迅）幫我拍，佢話有聽我作品。（請佢做嘉賓？）佢嚟睇我已經好開心。」