劉心悠苦練芭蕾舞爭氣

女星劉心悠昨日與石詠莉現身活動，她透露最近開始練習芭蕾舞：「我同香港芭蕾舞團有個合作，會演出芭蕾舞劇《胡桃夾子》，佢哋為我度身訂造咗個角色，對我嚟講係好大挑戰，希望爭氣啲，同台個個都跳咗廿幾年芭蕾舞。」她表示現正私下練習一些基本步，問到會否自覺年紀太大？她說：「唔覺，當然同小朋友相比，佢哋會學得快好多。」又自言在台上表演芭蕾舞是其心願，為此不惜推掉不少工作：「有得就有失，唔係淨係講錢，一生人一次。」