鄭敬基揭印傭偷竊被反咬 疑遭落降頭16年

鄭敬基夫婦與母親（右）所託非人，信錯印傭。

Joe的母親已年屆85歲，過去16年來一直由一位印傭負責照顧，直至8月，65歲的印傭中風入院，Joe翻找印傭的物件欲聯絡其家人時，卻發現有典當首飾的當票，才揭發母親的珠寶不止一次被偷走，更由印傭經紀口中得知，對方的朋友曾向印尼網上傳媒聲稱其印傭遭剋扣工資，令他懷疑有人欲進行敲詐。

欠債還錢變「扣人工」

Joe受訪時說：「發現當票，我哋先報警，用咗2萬幾贖番阿媽嗰批首飾返嚟，上門嘅警察問我哋追唔追究印傭，阿媽話念在16年賓主關係終止合約，再送佢返鄉下就算。嗰時阿媽先話，其實12年前印傭偷咗一批價值四萬蚊嘅首飾。嗰次被發現後，印傭話喺每月人工扣番錢，就係咁，佢就話我哋扣佢人工，好在駐港印尼領事館信我哋，但佢咁做可能係想敲詐，其實過去咁多年，屋企唔見嘅唔止係首飾，我對訂婚戒指都唔見咗。」

鄭敬基指印傭偷竊財物，更懷疑被對方以紅色布包裹木劍落降。	被盜首飾	放大圖片

• 施降之物?

「唔敢再請工人」

他又指印傭曾問其母借錢，也試過有追數公司上門，令她受騷擾。至於在家中發現有疑落降頭的紅布包裹木劍，更令他心寒：「經紀人話係祝我哋『身體健康』嘅嘢，唔係降頭，但係幫印傭執嘢走嘅朋友一見到就彈開。」Joe強調公開此事不是想追究財物遺失，而是想提醒大家「防傭之心不可無」，當然有值得信賴的傭人，但作為僱主也有責任小心看管財物：「聽啲警察話，有啲工人姐姐會將僱主啲嘢同其他嘢對調，再攞去當。」問到此事是否令其母傷心？他說：「媽咪有唔開心，對人咁好都咁，話以後唔敢再請工人，不過依家佢開心話有堅定嘅信仰，唔信降頭之說，我哋仲為印傭祈禱，祝佢早日康復。」