導師劉美君鼓勵不斷求進
劉美君、郭偉亮（Eric Kwok）、跳舞師麥秋成及導演火火是《全民造星》的星級導師，賽前Eric和麥秋成坦言睇好屬於他們一隊的肥仔，Eric說：「佢只係爭個樣，其他都有。」兩人指十名參賽者都好純，被問到是否適合加入娛圈？Eric笑說：「遲早都會壞，但一開始純好啲，佢哋話畀大家知後生仔唔係淨係識打機同Hea，而係好努力好熱血。」
劉美君給予眾人貼士，就是將表演做到最好，問到參賽者有何不足之處？她說：「其實冇一樣叫得，我自己都唔話自己得，做藝人冇最好只有更好。」火火則說：「四個字，做好自己，知佢哋壓力好大，唔會再畀壓力佢哋。」問到姜濤年紀細可能未必感受到壓力？火火說：「佢知自己受注目，反而先係大壓力。」