李璧琦崖邊影相搵命博

藝人李璧琦（Becky）早前到美國出席多場音樂分享會，她把握機會四出遊玩，到了亞利桑那州（Arizona）著名景點羚羊峽谷及馬蹄灣。她為了捕捉羚羊峽谷著名的光柱，凌晨四時向導遊報到，並經歷三小時車程，由鳳凰城駛進大沙漠，但能夠捕捉美景，她大呼值得。
李璧琦於懸崖峭壁拍攝，大呼刺激。
李璧琦於懸崖峭壁拍攝，大呼刺激。

Becky在極有魔幻感覺的靚境下拍攝，但她直言超尷尬：「呢個峽谷好多影相位都好窄，但又好多人，當我哋影相時會塞住條路，所以喺導遊指導下Set好相機、諗好構圖同角度，就要極速跑上去擺甫士影相，每張相影嘅時候只得幾秒。」之後她到馬蹄灣，於十多層樓高的河谷影相同樣驚險，她說：「旁邊就係懸崖，完全冇圍欄同扶手，畀人一撞就跌落山崖，所以真係要萬分小心。」

為了影光柱，李璧琦晨咁早起身。
  • 為了影光柱，李璧琦晨咁早起身。