麥嘉欣靠阿哥上位
前澳門小姐麥嘉欣（Sofia）雖然仍是大學生，但對加入娛圈甚有興趣，她現時由哥哥拜華擔任經理人，代為接洽工作：「之前有試過兩間公司，但有少少唔夾，所以依家冇公司，哥哥係我嘅經理人。（點解唔夾？）安排畀我嘅工作，我唔係咁鍾意，好似我想唱歌拍嘢，但就安排咗主持工作。」
本身是歌手的拜華亦有參與幕前，剛巧Sofia人氣急升時，他決定成立公司，既可幫妹妹又可接工作：「我本身讀數碼媒體，畢業後妹妹叫我開間公司，自己接嘢嚟做，又可以幫佢，我見大家都咁後生，咪試吓囉！」講到工作上難免有爭拗？拜華說：「我哋多數都係五分鐘內開會，爆完之後冇嘢。（邊個有話事權多啲？）我會就佢，但工作上我會要求多少少。」
