周勵淇喪食抗抑鬱

近年主攻內地劇的周勵淇（Niki）闊別無綫多年再拍劇集《再創世紀》，由天真富家女跌入如狼似虎的商業戰場，最大挑戰竟然是在劇中發呆，她說：「佢唔屬於金融世界，根本乜都唔識，要靠晒郭晉安，做一個冇機心、冇表情、冇思想嘅人，我發呆咗十幾集，原來發呆其實好難做o架！」

肥5磅變包包面

悲情角色令Niki背負很大壓力，開工時惟有靠吃東西減壓，拍攝時足足肥了5磅，包包面上鏡，她說：「嗰陣留喺深圳拍外景時間好長，因為角色好壓抑，同我性格好唔同，個人好唔開心，惟有喺片場盡量嘻嘻哈哈，私下多啲表情，同埋起勢食嘢去平衡番心態，唔係真係會抑鬱！嗰陣乜都食肥咗5磅。」

學吓點做女強人

劇中她不是獨沽一味發呆，由20歲演到30多歲變女強人，現年39的Niki累積了一定的人生閱歷，碰上這角色時間剛剛好，她笑說：「如果早啲做呢個角色未必駕馭到，因為冇咁多人生經驗，依家都仲可以做廿幾歲，遲啲就未必得。女強人因為冇乜動作語言其實難演，最重要係自信眼神，之前都特登睇新聞學點做。」