吳君麗舉殯南紅憶記八牡丹姊妹情
粵劇名伶吳君麗上月26日肺癌病逝，昨日在香港殯儀館出殯，遺體隨即運往歌連臣角火葬場火化，吳君麗生前的圈中好友，包括胡楓、阮兆輝、薛家燕、南紅、丁羽等都有到場送摯友最後一程，胡楓、阮兆輝、薛家燕等人更負責扶靈，離開時，家燕不禁哀傷落淚，胡楓亦眼濕濕。
與吳君麗同是「八牡丹」的南紅表示，勾起不少昔日回憶：「大家識咗幾十年，結拜成八牡丹。佢對我非常好，有如姊妹，生老病死每個人都有，今日特別嚟送佢一程。（有冇好深刻嘅相處經歷？）佢當我係妹妹，成日維護我，我哋嘅感情非常好。（最後一次見係幾時？）6月薛家燕娶新抱嘅時候。（老公楚原冇嚟？）佢老喇，唔使佢嚟。」
