李幸倪新歌考起大學生！
歌手李幸倪（Gin Lee）昨日到新城電台宣傳新歌《侘寂》，笑言派歌後有好多人都不懂得讀歌名，更特意去香港中文大學做測試：「十個有九個中文系學生都唔識讀！唔識個『侘』字係正常，但最好笑嘅係佢哋有邊讀邊，有啲讀咗做『宅叔』，都好開心新歌教識人讀一個新字，填詞人林夕每次寫歌都會令我上咗一課。」
講到不少Fans讚新歌有天后王菲的感覺，Gin Lee指可以與對方的御用音樂班底合作感榮幸：「自己都係佢嘅Fans！平時好少唱呢種曲風，後尾先知原來係C Y Kong（音樂人）嘅作品，係一個夢幻嘅班底。」不過，她自問沒有王菲「影子」：「感覺似啫！始終喺廣東歌都少人唱電子迷幻感覺嘅歌，所以先容易聯想起其他人。」