曾樂彤頻頻如廁軒仔嘲：我係利尿丸？
歌手張敬軒與師妹曾樂彤昨日為無綫節目《星光熠熠耀保良》綵排，她坦言十分緊張，騎呢到標晒汗兼頻頻去廁所，被軒仔笑腎虧！她又自嘲正式上台要着尿片！
將與師兄軒仔合作的曾樂彤，綵排時已緊張到頻頻去廁所又流晒汗，軒仔即搞笑說：「即係讚美？我係利尿、通便丸？龍蝨？佢試過錄一首歌去咗兩、三次廁所，我問佢係咪腎虧，咁上台點呀？」曾樂彤即笑說：「着尿片囉！」軒仔又指同新人合作也有好處，可以從中學到新事物，並讚師妹適應快、很乖，有七、八十年代歌手的追求，亦有新一代的熱情，但不忘笑說：「但我唔會咁頻密去廁所，我係龍蝨，專治尿頻。」
JW唔認男友似金正恩
至於歌手王灝兒（JW）與港姐陳曉華等昨晚出席慈善義賣，提到日前上載男友Tarzan的相片，卻被網友指髮型似金正恩，JW笑說：「好唔一樣！佢（男友）個頭好靚o架！係依家興嗰啲，金正恩嗰個係中間分界，好唔同。（佢有冇嬲？）又冇，幾搞笑。」說到相中的畫作，JW坦言是為慶祝兩人拍拖兩周年而畫，問到男友對作品有何評價？她說：「佢話要用一百萬買我幅畫！（為男友畫全裸人像畫？）唔會！未得！（點解呀？）件事難啲，卡通啲好。」
港姐陳曉華（Hera）則透露與其他港姐齊齊表演，問是否黑面跳舞？她笑說：「我哋四個OK嘅。」問可有與工藤佑采聯絡？她說：「我哋有個Group，得閒會約食飯。（佢有冇應？）佢應該有，我都有睇佢網上拍嘅片。（對方仲有冇嬲？）唔覺喎！」
