馬德鐘暖男救護員難忘打風救人

由方駿釗監製，馬德鐘、何廣沛、羅天宇、張曦雯、劉佩玥及陳瀅主演的劇集《跳躍生命線》即將播出。故事以救護人員的工作為主軸，透過不同個案帶出救傷扶危、分秒必爭的情況。

反省生命意義

Joe在劇中飾演救護員隊目，在工作上公事公辦，生活上則是暖男。Joe經常飾演紀律部隊角色，做救護員卻屬首次：「以前做警察同特警多，今次係另一種制服戲，雖然都有英勇場面，但比較着重刻畫人與人之間關係情感方面，所以好有新鮮感。（最難忘係邊幕？）有場戲講打風去救人，拍足一整晚，全晚都係濕住咁拍。」

張曦雯揸電單車載馬德鐘兜風。	張曦雯戲份重，難怪大感壓力。	監製方駿釗指新劇大部分個案都是真人真事。

劇中他與Kelly是一對，兩人首次拍檔已見默契：「大家合作得好開心，溝通得好好，佢好聰明，有個人氣質。」對於劇集緊接《延》劇，會否擔心收視？他稱未有多想：「我相信唔同劇種都會有唔同觀眾，呢套劇係清泉，好貼近身邊人同事，畀大家反省生命意義。（有冇信心憑此劇爭視帝﹖）冇諗，希望救護員角色獲觀眾喜歡同受落。」

羅天宇指馬德鐘氣場強勁。	何廣沛和劉佩玥由冤家變情侶。	劉佩玥

真人真事催淚

至於Kelly在劇中在車房工作，要揸電單車，Kelly事前到美國學車：「我去咗美國搵我表弟學電單車，佢教咗我幾晚，仲問朋友借咗部哈利畀我試揸。」對於監製大讚她做戲有天分兼有陳慧珊的氣質，Kelly坦言該劇對她意義重大：「今次戲份較重，自己都有壓力，似陳慧珊當然開心，希望我同佢一樣咁有觀眾緣。」

監製方駿釗透露新劇籌備了9個月，做足資料搜集，有八成個案都是真人真事，不乏催淚場面。他坦言對收視沒壓力：「近年比較少呢個劇種，好有本土味道，相信觀眾會喜歡。」劇集於10月8日起，逢星期一至五，晚上8時半在翡翠台播出。

羅天宇減20磅搣甩o靚味

羅天宇飾演救護員主任，是馬德鐘的上司，今次是天宇入行以來戲份較重的角色，他表示很珍惜機會，事前做了不少準備工夫，除了到救護學校上堂，閱讀相關書籍及睇劇外，還花了四個月減掉20磅，又因壓力太大而生了不少白頭髮：「我日日食西蘭花同雞胸肉減肥，因為以前畀人感覺有啲肥嘟嘟，依家瘦咗感覺成熟啲。」他坦言最大挑戰是面對馬德鐘：「我做佢上司，但佢嘅氣場真係好強勁，又高大，好在角色係講我好尊重佢。」

何廣沛學堂受訓劉佩玥學車跌傷

飾演救護員的何廣沛與劉佩玥，劇中由歡喜冤家變情侶。劉佩玥為角色與同劇好姊妹陳瀅一齊學電單車，更因而受傷：「其實拍劇時我唔需要跳上電單車，因為我冇受過專業訓練，電單車要救護員先可以揸，但我身為演員想攞個感覺，想動作做得專業啲，所以膽粗粗去學，學嘅過程都試過跌傷，要去睇跌打同醫生，但出嚟效果監製同劇組都滿意，所以值得。」

至於何廣沛劇中入學堂受訓由學員做起，故監製事前特別安排他入學堂受訓四天，每天訓練十小時，由於是夏天，加上在烈日當空下操練，非常辛苦。