不受限酬令影響陳奕迅自比東星斑

「吹神」陳奕迅（Eason）昨日到尖沙咀出席活動，吸引約500人圍觀，場面墟冚。心情大靚的他不停chok甫，講到內地頒令明星拍綜藝節目總酬金不得超過1千萬人民幣（限酬令），說到他應該不止這個價錢？他笑說：「你點知我唔止？多謝誇獎，要問經理人先知，總之係合理嘅。其實藝人價格落差好大，係海鮮價。」記者打趣指他是貴價海鮮，他即說：「多謝你哋對我有信心，但我唔要龍躉呀，東星斑都好啲，不過好彩我呢廿幾年唔算好多事幹，藝人形象會影響價錢。」對於有傳他做內地歌唱節目酬勞達2,300萬？他避談：「太誇獎，我唔係好知，總之會做好啲。」