座駕突倒後衝林奕匡險死

歌手林奕匡（Phil）昨日到電台宣傳新歌《生之頌》，他表示新歌是早前到瑞典時與兩位外籍音樂人一齊創作︰「其中一位嘅太太即將生B，覺得世事好多嘢都好Miracle（奇妙），最後就定咗呢個主題。」問到覺得生命中最奇妙的事是甚麼？Phil笑言是能存在於世上做鍾意的事，皆因小時候曾「驚」歷撞車：「當時2、3歲，媽媽帶哥哥去睇牙醫，我就坐喺車上面等，突然架車倒後，嗰條路仲係全鎮最斜，而最底就係公路！媽媽見到即刻衝出嚟追，架車最後撞咗大廈度停低，好彩我冇受傷，但媽媽對腳損晒，因為佢追落嚟跌親。」事後不禁嗌好好彩。