RubberBand淚浸舞台 唔知仲可以行幾遠
樂隊RubberBand前晚在九展舉行尾場演唱會，獲「大小姐」林淑敏與「送水輝」許家傑、Super Girls成員吳嘉熙與男友黃奕晨、蔣怡與老公、余香凝等到場支持。嘉賓環節，在日本產子後未有公開露面的歌手方皓玟現身合唱《終於好天氣》，全場尖叫，但穿T恤的她似乎未收身，唱完後即刻想走，被主音6號叫停，她笑言今次是特地回港，6號說：「希望唔好影響到你。」她笑回：「真係影響咗！」
搞喊埋小肥
至鳴謝環節時，6號多謝擔任和音的小肥，令對方忍不住感觸落淚，之後他在台上感謝老婆Tim Lui，並哽咽說：「唔知我哋仲可以行到幾遠，但佢喺Facebook講咗啲嘢好感動到我，呢幾年已經行咗幾遠，進進退退，但啲距離同時間都證明咗RubberBand嘅成就，亦賺咗你哋，我哋唔係偉大嘅樂隊，但有偉大嘅知音。」早前生日的他於Encore期間獲全場歌迷唱生日歌，樂隊最後唱出《未來見》後，演唱會圓滿結束。
解禁打邊爐
騷後訪問時，6號提到獲慶生，他說：「尋日個感覺勁啲，因為26號我哋出碟，陣間慶功我當慶祝埋生日，呢幾個月都冇打邊爐同飲酒，一陣可以放肆吓。」講到騷上低調唱出盧凱彤（Ellen）的《囂張》向她致敬，他說：「其實籌備緊歌單時正值發生呢件事（Ellen墮樓身亡），我同監製都想做啲嘢，但唔想做到咁sad，想話畀人知佢嘅音樂仲喺度，我太太、好多朋友都話睇完好激動，相信Ellen都聽到。」另外，蔣怡騷後到後台送上親自焗製的「6」字蛋糕，阿正即笑言下次都要在生日開騷。
