《紅海行動》爭逐奧斯卡提名 林超賢：係榮耀！

香港電影製片家協會昨日表示，按照美國電影學院角逐「奧斯卡最佳外語片」之選片準則，從《黃金兄弟》、《棟篤特工》等七部電影中決定推薦《紅》片，是次推選是由2017年10月份至2018年9月份期間上映之港片中選出，《紅》片佔大多數票當選。

入唔入到圍都感恩

忙於為新戲《緊急救援》（暫名）撰寫劇本的林超賢開心地說：「能夠再次代表香港，係一種榮耀！《紅》片係一部商業同動作感好重嘅電影，可以被選為代表香港出線，姑勿論入唔入到圍，每一次有機會都好感恩，希望香港電影技術得所有地方認同及關注，我已非常咁滿足！」

合資格代表香港

另外，電影圈中亦有不同聲音，認為《紅》片大部分為內地演員，或不具代表香港資格。有份參與票選的香港影業協會主席洪祖星受訪時力撐說：「我哋嘅宗旨係，製片及投資方一定要有香港人，《紅海行動》無論喺攝影、劇本同導演都係香港人。」