鄭嘉穎陳凱琳米蘭開工當旅行！

藝人陳凱琳與老公鄭嘉穎，偕衛詩雅和內地女星馬思純出席米蘭時裝周，兩人婚後首次以夫妻檔出席外地活動，大放恩愛閃光彈。

夠膽行天橋

嘉穎笑言抱旅行心情開工：「我冇嚟過米蘭，今次係新婚後第一次一齊出Trip，感覺好唔同。（想唔想做模特兒行騷？）真係冇諗過喎！我之前去過巴黎睇騷，但行騷就未試過，如果有人夠膽搵我，我都會夠膽嘗試！」

至於「鄭太」陳凱琳表示除了睇騷，更造訪了品牌博物館，有另一番感受：「好榮幸佢哋請我過嚟睇騷，真係好難忘嘅體驗。我之前去埋博物館參觀，先發現一百年前佢哋係做內衣褲起家，以前去外地睇博物館都係欣賞畫作，今次係睇衫，感覺真係好唔同。」

衛詩雅「大出血」

衛詩雅就揚言將瘋狂Shopping，實行寓工作於娛樂：「今次係第一次出席米蘭時裝周活動，真係好興奮，出發前一直諗要着咩衫出席活動！今次現場睇騷真係大開眼界，我都同經理人講咗，完咗騷後要畀時間我去參觀古蹟之餘，仲要留時間畀我Shopping，所以都預咗大出血。」

兩人與衛詩雅排排坐睇時裝騷。

衛詩雅首次出席米蘭時裝周活動，大感興奮。