餵完未夠喉!「肥爾晴」Bob冧枕「傅恒」

黎耀祥、何廣沛與蕭正楠於《延禧南巡》內擔任「公公廚房」環節,其中祥仔炸皇帝蟹時將蟹肉「掟」落油鑊,搞到站在其身後的秦嵐與「傅恒」許凱等要用鑊蓋遮擋,以免靚衫遭殃,但秦嵐仍貼心地遞鑊蓋予他護身;蕭正楠準備食材時要切三色椒,被主持問佢切甚麼,他搞笑指要切大「椒」給阿佘歎!當吃雞蛋仔時,吳謹言餵許凱食,化身「肥版爾晴」的林盛斌亦要求他餵,還搞笑說:「我想食咗你!」被餵食後一副冧樣枕在許凱膊頭上,「驚嚇」度十足。受訪時,Bob指跟「爾晴」蘇青曾在微博聯絡,大家惺惺相識,對方更指想見其真人。談到許凱,他讚對方「又高又靚仔」,連他亦心動!

而祥仔受訪時讚阿佘、聶遠與吳謹言等在《延》劇中演得好,問到香港劇集是否應效法內地製作時,他說:「互相嘅,呢套劇監製于正都鍾意睇港劇,所以入面都有港劇元素。」