明日花Rose Ma「姊妹」相認？

日本AV女優明日花綺羅與有「暗黑明日花」之稱的模特兒Rose Ma（馬俊怡）前晚齊齊拍神秘廣告，Rose透露兩人演姊妹。問到可會與男演員有親熱戲？明日花賣關子：「大家可以期待吓，會有啲Sexy。」對於被指似樣，Rose笑言：「佢靚好多。」明日花亦讚對方：「見到佢真人覺得佢好可愛，可以有一個人同我咁似樣。聽講佢好努力減肥，會向佢學習。（仲減肥？）我月尾喺大阪有個Fashion Show，本身要Diet，但嚟香港食咗雲吞麵同朱古力，完全輸晒畀香港。」