李玟泣訴母親變老怕愛得太遲

性格開朗的天后李玟（CoCo）從小擔任「開心果」角色，自問最叻諗計氹人，日前她以嘉賓身份於工作坊上，分享如何時刻保持正能量，她說：「我氹媽咪開心最叻，因為佢做嘢辛苦，直至依家都係。」媽媽是CoCo心中最重要的人，她感性地表示：「我嘅世界入面佢永遠係第一，依家陪住佢係最重要，因為每次見到佢，都會睇到分別，人會老、會退化......」CoCo言談間忍不住低泣落淚，續說：「做人應該要真實，傷心好平常，重點係點去調整番。睇到媽咪老咗，我心入面好傷心，希望將佢一生嘅傳奇故事拍成電影或寫成書。」
CoCo明年入行25周年，有意留港開騷並正物色場地。
CoCo明年入行25周年，有意留港開騷並正物色場地。

傳遞正能量

作為歌手的她希望傳遞正能量，每次站在台上唱歌，見到大家的笑容，她都覺得好有成功感。每人都會遇上低潮，CoCo視之為人生必修課，勇於向身邊人傾訴發洩。她曾有幾次失聲險出事：「就好似一個運動員冇咗手同腳咁，聲音係我嘅一切，好彩當時有媽媽支持我，每日練番把聲，總之我唔試過係唔會放棄！」

入行25年開港騷

正舉行巡唱的她為慶祝明年入行25周年，透露已在港入紙申請場地，並指現今科技進步令歌手有更大發揮空間，她更有興趣簽新人加以培養：「呢個係我下一個目標，嚟緊我嘅新碟都用新音樂人，畀機會佢哋。」

Wardrobe : Ms Min@Lane Crawford

孝順女CoCo望將媽媽一生的傳奇故事拍成電影。
  • 孝順女CoCo望將媽媽一生的傳奇故事拍成電影。
CoCo不時與老公大晒恩愛。
  • CoCo不時與老公大晒恩愛。
提到母親變老，CoCo即不禁低泣落淚。
  • 提到母親變老，CoCo即不禁低泣落淚。