黃妍憑傻勁衝！衝！衝！
樂壇新人黃妍（Cath）最近推出首支創作單曲《如何從夏天活過來》，講述入行經過，她以「緣分」來形容：「喺台灣演出嘅時候撞到依家公司嘅同事，不過都過咗一年先傾合作。」自認為「貼地歌手」的她一直以周邊生活為創作靈感：「之後會寫多啲廣東歌，捍衞自己嘅母語係非常之重要。」
Cath純粹好喜歡唱歌才加入樂壇，但直到大學二年級才自學結他：「都覺得起步遲，又冇深厚嘅基礎，但如果有個熱情喺度，就可以補救一切。」與之前的文職相比，她笑言現時更「Chur」更開心：「忙得嚟好充實，點都值得！唔趁後生去做嘅話，呢一世都唔會再有機會，就係拎住呢股傻勁去衝，唔再向現實低頭！」又自爆是工作狂，未有對愛情有非分之想：「冇男朋友，好忙o架！唔可以畀自己停落嚟。」