馮凱淇兼職達人搞網店一年回本
近年主要在內地發展的跳唱歌手馮凱淇（Cherry），終回歸香港樂壇，先以獨立樂隊Muffy主音身份推出新歌《奮鬥》，帶給粉絲正能量。自認怕悶的她為自己開發多重身份，除了正職當歌手外，還擔任主持、作家、泳衣網店店長及KOL等，百足咁多爪！
Cherry坦言對文字有情意結，故目前都有寫愛情專欄。至於網店，她笑言目的是與大家分享自己喜歡的物品：「全部一手包辦，到依家都開咗一年。（投資幾多？）6位數字，不過我係慢慢咁投資嘅，都唔想咁大舊錢放落去，唔知賺定蝕o架嘛！好開心已經回本，但就未去到賺錢階段，做生意都係要守嘅，唔可以話一定要賺錢，難度太高。」
