周汶希鄒莉盈「魔芋黃金糕」消暑甜入心
女子組合B.Gs成員鄒莉盈（Ceci）和周汶希（Jovi）除了喜歡唱歌外，亦鍾意下廚煮幾味，Ceci跟經理人學，Jovi則曾在餐廳做見習生，學了不少烹飪知識，兩人今次為東網巨星節目《星級煮意》合力炮製甜品「魔芋黃金糕」。
Ceci與Jovi笑言下廚算不上為興趣，是被生活逼出來，因她們搬離家自住後，第一件事就是解決食飯問題，Ceci說：「自己一個人住要學煮嘢，我經理人煮嘢食好叻，自然跟佢學。自己識煮可以減少出街食，出面啲嘢多鹽多油，餐餐食唔係咁健康。」
險累餐廳冰鮮肉報銷
四年前離家自立的Jovi亦說：「冇得依賴媽，惟有靠自己。有朋友開餐廳，我自薦做見習生，跟過幾個專業廚師學廚。當時都有撞過板，試過唔記得閂冰箱門，搞到冰鮮肉全部解凍，好彩餐廳經理轉數快，當晚廚師推介就變成全肉套餐。」
為免出錯，Ceci與Jovi示範製作「魔芋黃金糕」時，特別請來肥仔師傅在旁監督。荔枝味的魔芋，再加入水蜜桃，單看外觀已非常吸引，啱晒炎炎夏日享用。
葉翠翠：用細杯Sweet啲
港姐冠軍葉翠翠入廚經驗豐富，評價Ceci與Jovi甜品時，表示可能因有廚師傍實，步驟正確，但建議甜品杯可以改用較小容量：「除非你真係好鍾意食啫喱，如果唔係整一個細細杯，可能食嘅時候又會Sweet啲，會好味啲。」
《星級煮意》有超過七十位名人、紅星親自示範不同中西美食，又有名家提供煮食貼士，大家可透過東網App及東網網頁，隨時隨地免費收看及重溫。
https://bit.ly/2P2deu9