藝人顏子菲昨日谷三吋事業線到銅鑼灣出席內衣活動，她直言對內衣要求多多：「相信每個女仔都係一返屋企就除Bra，除咗舒服啲，我有時會做MC企四、五個鐘，最怕一不留神就凸胃腩，所以都會着調整型內衣。」
問可會戒消夜減肥？她笑言：「一星期戒六日啦！」又表示好享受做運動：「做運動令個人都開心埋，啲朋友笑我係咪拍拖。（咁拍拖未？）都希望呀，2018年都過咗8個月。（因為要求高？）好似揀內衣咁囉！」
