湯寶如防盜眼見鬼被靈童發現！
藝人湯寶如（湯記）分享親身經歷的靈異故事！有晚凌晨3時斟水飲，她突然聽到門外有聲，於是望出防盜眼一探究竟︰「見到有個頭髮好長、遮半邊面嘅師奶喺度拜神，隔籬有個着波衫嘅小朋友拍住籃球，大約5、6歲，當時個人定咗形，冇辦法郁到，一直望住佢哋打波、燒衣。」此時，小朋友隔住防盜眼指着湯記說︰「嘩！媽咪！姐姐見到我哋呀，快啲走啦！」嚇到她即刻跑入房，還要食安眠藥才能睡覺，認真恐怖！
除了上述「經歷」，原來湯記在另一舊居都遇過不少怪事！有晚她準備上床瞓，愛犬突然望住隻窗一路行一路吠︰「我埋去閂窗，隻窗反光突然見到着住全白衫褲嘅男人打側坐喺梳化度，個『男人』愈嚟愈近，我不自覺嗌咗聲，之後佢就消失！」又透露有對情侶朋友搭升降機走，明明只是撳了G層，但其他樓層同時被「人」撳晒，到4樓開門時聽到一把女聲喊住入（車立），男友人於是不停用粗口「問候」，把聲才在1樓開門時喊住走！