劉嘉玲即興爆肚搞笑「加場」

謝君豪（左起）、劉嘉玲與秦沛演出成功，當然飲得杯落。

由劉嘉玲、謝君豪及秦沛等好戲之人合演的英皇舞台劇《奪命証人》，一連十七場終於圓滿結束。日前英皇老闆楊受成筵開八席慰勞台前幕後工作人員，並與三位演員合共拿出近十萬元現金作大抽獎。期間眾演員戲癮大發，即興將《奪》劇改為搞笑版，臨場爆肚又不停講笑話，笑爆全場。

謝君豪攰得開心

嘉玲表示舞台劇帶給她很大滿足感，演技不斷進步：「拍電影同拍電視真係唔使咁畀心機，舞台係另一樣嘢，要真功夫！舞台令到我更尊重演員呢個職業，演員其實係藝術家，要喺舞台上面做得好，一啲都唔簡單。」謝君豪亦稱演這齣舞台劇有「三好」﹕「好開心、好舒服、好攰，但開心多於一切，所以我工作再多，都一定會不時重返舞台。」

楊受成（前排中）出錢搞慶功宴，慰勞台前幕後工作人員。

劉嘉玲很開心演完舞台劇，令演技更上一層樓。

秦沛預期有出入

首次演出舞台劇的秦沛坦言當初肯答應，是覺得從影70年，欠了一次認認真真的舞台劇，但若早知道如此辛苦，一定會拒絕：「同我預期唔同，幾個月排嘅都係一模一樣嘅對白，坦白講有啲悶。」另外，前亞姐利智的父親利永錫做了舞台劇68年，他透露做完《奪》劇後便會退休，提到女婿李連杰曾來探班，他坦言非常感動。