《TVB周刊》停刊？鄭善強：需要轉型

無綫總經理鄭善強聯同港姐季軍黃瑋琦、張寶欣、莊思明及翟威廉昨日出席「知識新天地」的簽約儀式記者會。對於有指電視廣播（0511）公布中期業績時，提到《TVB周刊》印刷本將由網上版取代，對此鄭善強否認有停刊決定：「中期業績講係有幾樣嘢要檢討，《TVB周刊》不嬲做開紙媒，要睇數碼化下對佢哋嘅影響，點去提供內容畀觀眾或讀者係最好呢，所以一切檢討完後先決定。」問可擔心人心惶惶？他說：「刻意中期業績度寫幾句都有慎重考慮，因想畀大家了解未來日子嘅市場係點，大家需要轉型，先活得精彩。」
莊思明想攻讀法律。
莊思明想攻讀法律。

講到外購劇收視好，對無綫自製劇可有衝擊？他說：「又唔會，反而係好好拿捏機會，中國市場製作費大、數量又多，我哋角色就係挑選當中嘅代表作畀觀眾，想同步快睇可以透過myTV SUPER，想貼心就睇原有頻道嘅配音版。」

鄭善強
  • 鄭善強

另外，莊思明表示有興趣修讀法律，希望幫助到家人經營生意。談到朱千雪法律碩士畢業，她說：「本身佢讀書叻，天資好，我都想呀！」而懂多國語言的翟威廉坦言讀書心得是上足堂及要攞最高分便成功。