湯怡想同陳家樂做情侶：梗係襯！
藝人湯怡前晚出席英皇電影聯合發行的《行動代號：特工ex》電影首映禮，問到為何不與男友洪卓立來睇戲？她說：「我鍾意一個人睇戲，唔想分散注意力。」她希望拍動作片：「我個樣似畀人打，但我好想試打人嗰個，唔想再做柔弱角色。」而她剛開拍新戲《神探大戰》，飾演警察，透露戲中與陳家樂多戲，但不是感情戲，笑言想與對方組成銀幕情侶：「我覺得幾襯o架！（唔怕男友呷醋？）靚仔靚女行埋一齊就梗係襯o架啦！」
同場有懷孕六個多月的吳日言，見她肚凸凸，但手腳仍然纖幼，講到她之前因妊娠糖尿要入院，她表示現時每日要打四支針控制指數，打到生為止：「希望BB出世健康，媽媽受苦在所難免。」她亦謂預產期是12月初，想試順產但又怕痛。