繼李冰冰主演的荷里活新作《極悍巨鯊》（THE MEG）日前在洛杉磯舉行首映後，另一部由華人女星楊紫瓊主演的西片《我的超豪男友》（Crazy Rich Asians）前日亦在洛杉磯舉行首映。
除了楊紫瓊盛裝出席之外，男女主角Henry Golding、吳恬敏（Constance Wu）及華裔女星溫明娜等都有現身。在片中飾演土豪奶奶的楊紫瓊受訪時表示好享受演野蠻奶奶，因為可以有機會着華麗服裝及珠寶首飾，更形容角色如「王太后」。而飾演她囝囝的靚仔新人Henry則對「媽咪」讚不絕口：「佢同我都係馬來西亞人，我長大嘅時候睇佢同成龍及占士邦並肩作戰，佢簡直就係傳奇！」