AGA嗌交講道理男友頂唔順

創作歌手AGA（江海迦）為東網巨星節目「海馬牌床褥特約」《閨蜜睡房》擔任嘉賓，一連三集與主持李惠儀（Kiwi）傾音樂及感情世界。她坦言失戀被很多女生視為「大事」，正如其歌曲《小問題》：「每一次失戀都係幾難度過嘅一段時間，頭幾日我會喊、食好多嘢、唔出街，睇電視都會覺得自己係主角咁。」捱過失戀後，她笑言女士自然會執番好個樣。
AGA專注事業，感情隨緣。
AGA專注事業，感情隨緣。

最驚跳舞

對感情事抱隨緣態度的AGA說：「都係睇緣分。」但她自覺性格太冷靜，有時會變成缺點：「因為遇到問題我唔會拗，我鍾意拆開件事去分析，但另一半會覺得你唔緊張！」她笑言入行後與唱片監製及司機見面最多，眼見很多歌手朋友都結婚生仔，她笑言不會羨慕：「依家未嚮往住，將來會有自己嘅小朋友，但我要做晒自己想做嘅嘢先，因為小朋友係一個好大嘅責任，見到佢哋都好困身。」

AGA坦言入行後，第一件覺得最難堪的事就是跳舞：「我唔識跳舞，啱啱入行第二首歌無啦啦要我跳，要我喺好短時間學，仲要着住6吋高踭鞋跳，嗰刻好冇自信。」想知道更多AGA的秘密心事？記得星期五、六、日收睇《閨蜜睡房》喇！

AGA與普通女孩一樣，失戀時會喪食療情傷。
  • AGA與普通女孩一樣，失戀時會喪食療情傷。
主持Kiwi幫AGA加「牛角」，非常搞笑。
  • 主持Kiwi幫AGA加「牛角」，非常搞笑。