獲古華特摸肚「加持」Rosemary 唔通佗仔？
懷有身孕的名模Rosemary懶理禁忌，昨日穿上五吋厚底鬆糕鞋出席活動，她自爆在後台獲荷蘭球壇名宿古華特摸肚「加持」，祝她腹中寶寶將來成為出色足球員。問她是否佗仔，她繼續大賣關子表示女仔都可以做足球員。
懷有約八個月身孕的Rosemary，昨日與古華特出席Now TV 2018年第三季度全新節目巡禮，席間獲大會送上今季巴塞隆拿的BB球衣，上面更有古華特的簽名，相當珍貴！
搬公司屋企立立亂
Rosemary表示古華特在後台摸着她的肚子送上祝福，指希望BB將來是一位出色足球員，隨即令人猜想她佗仔，她卻笑言：「女仔都可以做足球員。」「卸貨」在即的她，心情既緊張又興奮：「我有問朋友湊B心得，老公就話最緊要大小平安同健康。我希望可以自然分娩，不過醫生話要睇情況再作決定。」其預產期在9月，被問到是否已添置BB用品，她說因為要搬公司的關係，家中一片混亂，但老公承諾生完BB後屋企便會回復正常。
Ana R.湊B好耐冇睇戲
同樣已為人母的名模Jessica C.（JC）和Ana R.亦有出席活動，二人直言首次以「媽媽Group」姿態出席，非常開心。育有一女一子的Ana R.表示照顧小朋友相當忙，差不多兩年半沒到戲院看戲，最後一次是在生第一胎前，笑言：「睇睇吓穿羊水，之後好鎮定打畀醫生，先知生得，我仲慢慢返屋企沖涼同執嘢。（當時睇緊咩戲？）睇緊占士邦嘅戲。」至於育有一女一子的JC，現在除了出街吃飯外，很多時間都留在家中，她指囡囡Tessa非常活潑，經常在家追住個波周圍走，又叫爸爸安志杰扮龍門，相當搞笑！
